మెగా ప్రిన్స్ వరుణ్ తేజ్, టాలెంటెడ్ డైరెక్టర్ మేర్లపాక గాంధీ కాంబినేషన్లో తెరకెక్కిన వినోదాత్మక చిత్రం ‘కొరియన్ కనకరాజు’ ప్రస్తుతం థియేటర్లలో సందడి చేస్తోంది. తనదైన కామిక్ టైమింగ్తో నవ్విస్తున్న ఈ సినిమాకు సంబంధించి ఓ ఆసక్తికరమైన వార్త నెట్టింట హల్చల్ చేస్తోంది. ఈ చిత్రానికి సీక్వెల్ (పార్ట్-2) తీసుకొచ్చే ఆలోచనలో మేకర్స్ ఉన్నట్లు తెలుస్తోంది.
ఆఫ్రికా బ్యాక్డ్రాప్లో పార్ట్-2?
ఇటీవల ఇచ్చిన ఒక ఇంటర్వ్యూలో దర్శకుడు మేర్లపాక గాంధీ మాట్లాడుతూ.. ‘కొరియన్ కనకరాజు’కు సీక్వెల్ చేసే ఆలోచన తనకు ఉందని స్పష్టం చేశారు. ప్రస్తుతం థియేటర్లలో ఉన్న కథే రాబోయే సీక్వెల్కు బలమైన పునాది వేస్తుందని ఆయన వెల్లడించారు. అంతేకాకుండా, ఈ రెండో భాగాన్ని ఆఫ్రికన్ బ్యాక్డ్రాప్లో ప్లాన్ చేసే అవకాశాలు ఉన్నట్లు చిత్ర వర్గాల నుంచి సమాచారం అందుతోంది.
ఆ కల నెరవేరేది ఆ కలెక్షన్లపైనే!
అయితే ఈ సీక్వెల్ ఎప్పుడు పట్టాలెక్కుతుంది? షూటింగ్ ఎప్పుడు ప్రారంభమవుతుంది? అనే విషయాలపై ప్రస్తుతానికి చిత్రబృందం నుంచి ఎలాంటి అధికారిక ప్రకటన రాలేదు. మొదటి భాగం బాక్సాఫీస్ వద్ద సాధించే వసూళ్లు, సాధించే విజయం ఆధారంగానే సీక్వెల్పై తదుపరి అడుగులు పడే అవకాశం ఉంది. ఒకవేళ థియేటర్లలో ఈ చిత్రం ఆశించిన రీతిలో వసూళ్లు రాబడితే, త్వరలోనే ‘కొరియన్ కనకరాజు పార్ట్-2’పై అధికారిక అనౌన్స్మెంట్ వచ్చే ఛాన్స్ ఉంది.
