బాలీవుడ్ అగ్రకథానాయకుడు సల్మాన్ ఖాన్ (Salman Khan), సీనియర్ స్టార్ అక్కినేని నాగార్జున (Akkineni Nagarjuna) వంటి బిగ్ సెలబ్రిటీలు రియాలిటీ షోలకు హోస్టులుగా వ్యవహరిస్తూ చిన్నతెరపై కూడా సంచలనాలు సృష్టిస్తున్న సంగతి తెలిసిందే. ఇటీవల టాలీవుడ్ యంగ్ హీరో తేజ సజ్జా (Teja Sajja) ‘ది ట్రైటర్స్’ (The Traitors) షోకి హోస్ట్‌గా ఎంపికై వార్తల్లో నిలవగా, ఇప్పుడు మరొక పాన్-ఇండియా వర్సటైల్ యాక్టర్ హోస్ట్‌గా సరికొత్త అవతారమెత్తబోతున్నారు. ఆ నటుడో ఎవరో కాదు.. వర్సటైల్ స్టార్ ఆర్‌. మాధవన్ (R. Madhavan)!
ఇటీవలే ‘ధురంధర్’, ‘జి.డి.ఎన్’ (G.D.N) వంటి చిత్రాల్లో అద్భుతమైన నటనతో ప్రేక్షకులను మెప్పించిన మాధవన్, ఇప్పుడు ఒక అంతర్జాతీయ బిజినెస్ రియాలిటీ షో ద్వారా గ్లోబల్ లెవెల్‌లో సందడి చేయడానికి సిద్ధమయ్యారు.
నటుడి నుంచి గ్లోబల్ హోస్ట్‌గా!
ఈ షో అనౌన్స్‌మెంట్‌కు సంబంధించి అసలు సంచలనం మరియు పరిశ్రమ వర్గాలను ఆకట్టుకున్న ప్రధాన అంశం ఏమిటంటే.. సాధారణ ఎంటర్టైన్మెంట్ షో కాకుండా దుబాయ్ వేదికగా రూపుదిద్దుకుంటున్న హై-స్టేక్స్ బిజినెస్ రియాలిటీ షోకి మాధవన్ హోస్ట్ అండ్ మెంటార్‌గా మారడమే!
ప్రముఖ నిర్మాణ సంస్థ ‘ఆప్టిమిస్టిక్స్ ఎంటర్టైన్మెంట్ ఇండియా’ (Optimystix Entertainment) నిర్మిస్తున్న ‘ది గేమ్‌ ఛేంజర్స్‌: మిడిల్ ఈస్ట్’ (The Game Changers: Middle East) అనే ఇంటర్నేషనల్ బిజినెస్ రియాలిటీ షో కోసం మాధవన్‌ను అఫిషియల్‌గా ఎంపిక చేశారు.
-
గ్లోబల్ స్టార్టప్ లీడర్స్ పోటీ: ప్రపంచంలోని వివిధ దేశాలకు చెందిన స్టార్టప్ ఫౌండర్లు కంటెస్టెంట్లుగా పాల్గొని తమ వినూత్న వ్యాపార ఆలోచనలను పిచ్ చేస్తారు.
-
అంతర్జాతీయ ఇన్వెస్టర్ల ప్యానెల్: దుబాయ్, లండన్, యూఎస్, రష్యా వంటి దేశాలకు చెందిన టాప్ గ్లోబల్ ఇన్వెస్టర్ల ముందు ఈ స్టార్టప్ ఫౌండర్లు తమ ఐడియాలను ప్రెసెంట్ చేసి నిధులు దక్కించుకోవాల్సి ఉంటుంది.
-
గ్లోబల్ ఫ్రాంచైజ్ ప్లాన్స్: మిడిల్ ఈస్ట్ మార్కెట్‌ను లక్ష్యంగా చేసుకుని దుబాయ్ కేంద్రంగా మొదలవుతున్న ఈ క్రేజీ షోను, ఆ తర్వాత ప్రపంచంలోని ఇతర కీలక ప్రాంతాలకు విస్తరించేలా మేకర్స్ స్కెచ్ వేశారు.
త్వరలోనే షూటింగ్ ప్రారంభం!
సినిమాల్లో హీరోగా, దర్శకుడిగా, నిర్మతగా తన మల్టీ-టాలెంట్‌ను నిరూపించుకున్న మాధవన్, ఇప్పుడు ఈ ఇంటర్నేషనల్ బిజినెస్ షో ద్వారా బుల్లితెరపై ఎలాంటి సంచలనాలు నమోదు చేస్తారో అని ఫ్యాన్స్ ఎంతో ఆసక్తిగా ఎదురుచూస్తున్నారు. ఈ గ్రాండ్ రియాలిటీ షో చిత్రీకరణ అతి త్వరలోనే ప్రారంభం కానుంది!
