అందం, అభినయంతో ప్యాన్ ఇండియా స్థాయిలో విశేష ఆదరణ దక్కించుకున్న నేషనల్ క్రష్ రష్మిక మందన్న (Rashmika Mandanna) ఖాతాలో మరో క్రేజీ ప్రాజెక్ట్ చేరే సూచనలు కనిపిస్తున్నాయి. బాలీవుడ్ నుంచి టాలీవుడ్ వరకు వైవిధ్యమైన వెబ్ సిరీస్లు, సినిమాలతో తమకంటూ ప్రత్యేక ముద్ర వేసుకున్న ప్రముఖ దర్శక ద్వయం రాజ్ అండ్ డీకే (Raj & DK) రష్మికతో ఓ భారీ సినిమా చేసేందుకు సన్నాహాలు చేస్తున్నట్లు ఇండస్ట్రీ వర్గాల్లో ప్రచారం జరుగుతోంది.
‘మా ఇంటి బంగారం’ జోష్లో క్రేజీ అప్డేట్!
ఇటీవలే ‘మా ఇంటి బంగారం’ (Maa Inti Bangaram) చిత్రంతో ఘన విజయం అందుకున్న ఈ దర్శక ద్వయం, ఆ ఉత్సాహంతోనే మరో లేడీ ఓరియెంటెడ్ కథను సిద్ధం చేస్తున్నట్లు తెలుస్తోంది. ఈ ప్రాజెక్ట్ కోసం రష్మికను ప్రధాన కథానాయికగా ఎంచుకోవాలని భావిస్తున్న రాజ్ అండ్ డీకే, ఆమె పాత్రను ఎంతో శక్తివంతంగా తీర్చిదిద్దారనే గుసగుసలు వినిపిస్తున్నాయి.
చర్చిల దశలోనే కాంబో!
సమాచారం ప్రకారం, ఇప్పటికే ఈ ప్రాజెక్ట్కి సంబంధించిన ప్రాథమిక చర్చలు జరిగాయని, కథాంశంపై స్క్రిప్ట్ వర్క్ పూర్తయిన వెంటనే రష్మికకు పూర్తి కథను వినిపించేందుకు దర్శక ద్వయం సమాయత్తమవుతున్నారని వినికిడి. యూనివర్సల్ అప్పీల్ ఉన్న రాజ్ అండ్ డీకే మార్క్ మేకింగ్లో రష్మిక నటించే అవకాశం ఉంటే, ఈ కాంబినేషన్ బాక్సాఫీస్ వద్ద సరికొత్త సంచలనం సృష్టించడం ఖాయంగా కనిపిస్తోంది. మరి ఈ క్రేజీ ప్రాజెక్ట్ అధికారికంగా పట్టాలెక్కుతుందో లేదో తెలియాలంటే మరికొద్ది రోజులు వేచి చూడాల్సిందే!
