నేచురల్ స్టార్ నాని కథానాయకుడిగా, మాస్ అండ్ ఎమోషనల్ డైరెక్టర్ శ్రీకాంత్ ఓదెల కాంబినేషన్‌లో తెరకెక్కిన సంచలన పీరియాడిక్ యాక్షన్ థ్రిల్లర్ ‘ది ప్యారడైజ్’ (The Paradise). సుధాకర్ చెరుకూరి అత్యంత భారీ బడ్జెట్‌తో ఎస్‌ఎల్‌వీ సినిమాస్ బ్యానర్‌పై నిర్మించిన ఈ చిత్రం సెప్టెంబర్ 24న ప్రపంచవ్యాప్తంగా గ్రాండ్‌గా విడుదల కాబోతోంది. కలెక్షన్ల తుఫాన్ సృష్టించేందుకు సిద్ధమవుతున్న ఈ మూవీలో కథానాయికగా నటించిన ముద్దుగుమ్మ కయాదు లోహర్ (Kayadu Lohar) విలేకరులతో ముచ్చటిస్తూ తన పాత్రకు సంబంధించిన పలు ఆసక్తికర విషయాలను పంచుకున్నారు.
‘డ్రాగన్’ చూసి నన్ను ఎంచుకున్నారు!
తనకు ఈ క్రేజీ ప్రాజెక్ట్‌లో అవకాశం ఎలా వచ్చిందో వివరిస్తూ కయాదు మురిసిపోయారు.
“నేను నటించిన ‘డ్రాగన్’ సినిమా చూసిన తర్వాత దర్శకుడు శ్రీకాంత్ ఓదెల గారు ఈ ‘సుబ్బలక్ష్మి’ పాత్రను నేను చేయగలనని నమ్మారు. నన్ను పిలిచి కథ చెప్పిన తర్వాత లుక్ టెస్ట్ చేశారు. నటన నచ్చడంతో వెంటనే ఓకే చెప్పారు. నా కెరీర్‌లోనే ఇది చాలా మైల్‌స్టోన్ లాంటి పెద్ద ప్రాజెక్ట్.”
‘సుబ్బు’ పాత్రలో మైండ్ బ్లాంక్ అయ్యే గ్రే షేడ్స్!
సినిమాలో తన పాత్ర ప్రాధాన్యత గురించి చెబుతూ..
“ఈ సినిమాలో అందరూ నన్ను ‘సుబ్బు’ అని పిలుస్తారు. సాధారణ కమర్షియల్ సినిమాల్లో హీరోయిన్ క్యారెక్టర్ కేవలం పాటలకే పరిమితమవుతుంది. కానీ ఇందులో ‘జడల్’ ప్రయాణంతో పాటు నా పాత్రకు కూడా ఒక బలమైన, ప్రత్యేకమైన ప్రయాణం ఉంటుంది. నా రోల్‌లో ఎన్నో గ్రే షేడ్స్, ఊహించని మలుపులు ఉంటాయి. సుబ్బలక్ష్మి క్యారెక్టర్ ఇచ్చే సర్‌ప్రైజెస్ చూసి థియేటర్‌లో ప్రేక్షకుల మైండ్ బ్లాంక్ అవ్వడం ఖాయం.”
అని ధీమా వ్యక్తం చేశారు.
నాని ‘జడల్’ లుక్ చూసి షాకయ్యా!
సినిమాలో నాని పెర్ఫార్మెన్స్, ఆయన లుక్ గురించి కయాదు సంచలన విషయాలు పంచుకున్నారు.
“సెట్స్‌లో ‘జడల్’ లుక్‌లో నాని గారిని చూసి నేను పూర్తిగా షాక్ అయ్యాను. ఇప్పటివరకు తెలుగు సినీ పరిశ్రమలో ఏ హీరో నుంచి కూడా ప్రేక్షకులు ఇలాంటి అద్భుతమైన స్క్రీన్ ప్రెజెన్స్‌ను చూసి ఉండరు. ఇది పక్కా కంటెంట్ డ్రివెన్ మూవీ.”
మోహన్ బాబు, సోనాలి కులకర్ణి, రాఘవ్ జుయాల్ వంటి దిగ్గజ నటులు కీలక పాత్రలు పోషించిన ఈ చిత్రం సెప్టెంబర్ 24న బాక్సాఫీస్ వద్ద ఎలాంటి చారిత్రాత్మక రికార్డులను నమోదు చేస్తుందో చూడాలి!
