క్లైమాక్స్ చూసి మైండ్ బ్లాక్ అవ్వాల్సిందే: ‘మిస్సింగ్ మేఘన’ డైరెక్టర్

టాలీవుడ్‌లో ఇటీవల సరికొత్త కాన్సెప్ట్‌లతో వచ్చే థ్రిల్లర్ సినిమాలకు మంచి ఆదరణ లభిస్తోంది. అదే బాటలో మైండ్ బ్లాకింగ్ ట్విస్టులు, హార్ట్ టచింగ్ ఎమోషన్స్‌తో ప్రేక్షకుల ముందుకు వచ్చేందుకు సిద్ధమైంది ఎమోషనల్ థ్రిల్లర్ మూవీ ‘మిస్సింగ్ మేఘన’ (Missing Meghana). ఫస్ట్ కాపీ మూవీస్, కేడి & కో బ్యానర్లపై పంచుమర్తి నరేష్ బాబు నిర్మాణంలో, వాచస్పతి దర్శకత్వంలో రూపొందిన ఈ చిత్రం సెప్టెంబర్ 18న దాదాపు 150కి పైగా థియేటర్లలో గ్రాండ్‌గా రిలీజ్ కాబోతోంది.

2 ఏళ్ల ఫ్యూచర్ పణంగా పెట్టాం.. క్లైమాక్స్ ట్విస్ట్ కి మైండ్ బ్లాకే!

ఈ సినిమా ప్రమోషన్లలో భాగంగా దర్శకుడు వాచస్పతి చేసిన వ్యాఖ్యలు ప్రస్తుతం ఇండస్ట్రీలో తీవ్ర చర్చనీయాంశంగా మారాయి. “థ్రిల్లర్ సినిమాలు ఇప్పటివరకు చాలానే వచ్చాయి, ఇకపై కూడా వస్తాయి. కానీ ‘మిస్సింగ్ మేఘన’ ఆడియన్స్‌ను కచ్చితంగా సర్ప్రైజ్ చేస్తుంది. కోట్ల రూపాయల బడ్జెట్ ఖర్చు పెట్టి, మా రెండేళ్ల కెరీర్ అండ్ ఫ్యూచర్‌ను పణంగా పెట్టి ఏదో అలా వచ్చి ఇలా వెళ్లే లెస్ కంటెంట్ సినిమా మేమేమీ తీయలేదు! క్లైమాక్స్‌లో వచ్చే ‘హుక్ పాయింట్’ చూసి థియేటర్లలో ప్రతి ఒక్కరూ షాక్ అవుతారు” అని ఆయన సంచలన వ్యాఖ్యలు చేశారు.

ఇది సాధారణ థ్రిల్లర్ కాదని, గుండెలను పిండేసే ఎమోషనల్ థ్రిల్లర్ అని తేల్చి చెప్పారు. సినిమా అవుట్‌పుట్‌పై ఉన్న నమ్మకంతోనే ఒక ప్రముఖ బడా నిర్మాణ సంస్థ ఈ చిత్రాన్ని గ్రాండ్‌గా రిలీజ్ చేయడానికి ముందుకు వచ్చిందని తెలిపారు.

దిల్ రాజు, సురేష్ బాబు చేతుల మీదుగా రచ్చ!

ఇప్పటికే ఈ చిత్రం నుంచి విడుదలైన ప్రమోషనల్ కంటెంట్ నెట్టింట విపరీతమైన బజ్‌ను క్రియేట్ చేసింది.సెన్సేషనల్ డైరెక్టర్ వి.వి. వినాయక్ చేతుల మీదుగా ఫస్ట్ లుక్ లాంచ్ కాగా.. లెజెండరీ ప్రొడ్యూసర్ సురేష్ బాబు మొదటి పాట ‘పిల్ల పిల్ల పిల్ల’ను, స్టార్ ప్రొడ్యూసర్ దిల్ రాజు రెండో పాటను, ప్రముఖ రైటర్ కోన వెంకట్, మచ్చ రవి మూడో పాటను విడుదల చేశారు. ధృవన్ అందించిన మ్యూజిక్, శ్యామ్ కే నాయుడు మార్vellous సినిమాటోగ్రఫీ ఈ సినిమాకి ప్రధాన ఆకర్షణగా నిలవనున్నాయి.

తారాగణం & సాంకేతిక వర్గం:

రామ్ కార్తీక్, అమ్ము అభిరామి, వైదిక సెంజాలియా, అంకిత్ కొయ్య ప్రధాన పాత్రల్లో నటించగా.. గోపరాజు రమణ, వెంప కాశి, కౌశిక్, నళిని, శ్రీనివాస్ తదితరులు కీలక పాత్రలు పోషించారు. కథ, స్క్రీన్‌ప్లే వనరాజ్ అందించగా, వెంకట్ బద్దిగం మాటలు రాశారు. వ్యాపారపరంగా కూడా ఇప్పటికే సినిమా సేఫ్ జోన్‌లోకి వెళ్లడంతో ప్రొడ్యూసర్ నరేష్ బాబు చాలా హ్యాపీగా ఉన్నారు. సెప్టెంబర్ 18న థియేటర్లలో ఈ ‘మిస్సింగ్ మేఘన’ ఎలాంటి సెన్సేషన్ క్రియేట్ చేస్తుందో చూడాలి!