నేషనల్ క్రష్ రష్మిక మందన్న (Rashmika Mandanna) సౌత్ నుంచి నార్త్ వరకు వరస పాన్-ఇండియా సినిమాలతో బాక్సాఫీస్ వద్ద దూసుకెళ్తోంది. ఎంతగా క్రేజ్ సంపాదించుకుందో, అదే స్థాయిలో తరచుగా ఏదో ఒక వివాదంలోనో లేదా సోషల్ మీడియా ట్రోలింగ్‌లోనో చిక్కుకోవడం ఆమెకు కొత్తేమీ కాదు. ఇటీవల బాలీవుడ్ (హిందీ) సినిమాల్లో నటించేటప్పుడు రష్మిక మాట్లాడే ‘దక్షిణాది యాస’ (South Accent) పై నెటిజన్లు, సినీ ప్రియులు తీవ్రస్థాయిలో విమర్శలు, ట్రోలింగ్స్ చేశారు. కాగా, విజయ్ దేవరకొండతో కలిసి ప్రసిద్ధ ‘కాఫీ విత్ కరణ్’ (Koffee With Karan) టాక్ షోలో పాల్గొన్న రష్మిక, తనపై వస్తున్న ఈ విమర్శలపై అత్యంత ఘాటుగా, నిర్మోహమాటంగా స్పందించారు.
రష్మిక సంచలన ప్రకటన!
ఇండస్ట్రీలోకి వచ్చిన మొదటి రోజు నుంచే తన నటన, భాష, డైలాగ్ డెలివరీ, చివరకు తన సొంత యాసను కూడా వదలకుండా నిరంతరం ట్రోల్ చేస్తున్నారని, అయితే అలాంటి మూస విమర్శల కోసం తన పరిధులను పరిమితం చేసుకునే ప్రసక్తే లేదని స్పష్టం రష్మిక తెలిపింది. ఈ సందర్భంగా మాట్లాడుతూ.. “నేను సౌత్ నుంచే వచ్చాను, కాబట్టి నా మాటల్లో ఆ యాస ఉండటం చాలా సహజం. అలా కాకుండా నేను వేరేలా ఉండాలని కోరుకోవడంలో అసలు అర్థమే లేదు. సినీ పరిశ్రమలోకి వచ్చినప్పటి నుంచి నా నటన, భాష, యాసపై ఏదో ఒక విమర్శ ఎదుర్కొంటూనే ఉన్నాను. కానీ, ఈ ట్రోలింగ్స్ భయంతో నేను ఒక్క భాషకే పరిమితం కానని గట్టిగా నిర్ణయించుకున్నాను” అని స్పష్టం చేశారు.వేర్వేరు భాషల్లో సినిమాలు చేసేటప్పుడు డబ్బింగ్ విషయంలో ప్రత్యేక శ్రద్ధ తీసుకుంటానని తెలిపారు. “ఒకవేళ నా పాత్రకు వేరే డబ్బింగ్ ఆర్టిస్ట్ వాయిస్ బాగుంటుందని దర్శకులు భావిస్తే నాకు ఎలాంటి అభ్యంతరం లేదు. కానీ, ఇప్పటివరకు నేను పనిచేసిన దర్శకులందరూ నా గొంతుతోనే డబ్బింగ్ చెప్పించడానికి మొగ్గు చూపారు. ఇన్ని భాషల్లో సొంతంగా డబ్బింగ్ చెప్పుకోవడం చాలా కష్టమైన పని, అయినా దానిని నేను సక్సెస్‌ఫుల్‌గా చేస్తున్నందుకు సంతోషంగా ఉంది” అని వెల్లడించారు.
ట్రోలర్స్‌కు చెక్ పెట్టిన నేషనల్ క్రష్!
భాష లేదా యాస ఆధారంగా తనను తక్కువ చేయడానికి చూస్తున్న ట్రోలర్స్‌కి రష్మిక తన స్ట్రెయిట్ ఫార్వర్డ్ ఆటిట్యూడ్‌తో గట్టి సమాధానమే ఇచ్చారు. విమర్శలను పక్కనపెట్టి అన్ని భాషల్లో డబ్బింగ్ చెబుతూ గ్లోబల్ వైడ్‌గా అడుగులు వేస్తున్న రష్మిక వ్యాఖ్యలు ప్రస్తుతం నెట్టింట హల్చల్ చేస్తున్నాయి!
