టాలీవుడ్, శాండల్వుడ్ ఇండస్ట్రీలలో ఒకేసారి సత్తా చాటేందుకు సిద్ధమవుతోంది సరికొత్త యూత్ ఫుల్ ఫ్యామిలీ డ్రామా ‘శ్రీరస్తు’. ప్రణమ్ దేవరాజ్, సంజనా ఆనంద్ జంటగా తెరకెక్కుతున్న ఈ చిత్రంపై ఇరు చిత్ర పరిశ్రమల్లో ఇప్పటికే మంచి బజ్ నెలకొంది. అయితే, ఈ ప్రాజెక్ట్పై అందరి దృష్టిని ఒక్కసారిగా తిప్పేలా చేసిన అసలు ట్విస్ట్ ఏంటంటే—కన్నడ స్టార్ హీరో, ప్రణమ్ సోదరుడైన ప్రజ్వల్ దేవరాజ్ ఈ సినిమాలో ఓ కీలక పాత్రలో మెరవనుండటమే! ప్రణమ్ ప్రాజెక్ట్లో ప్రజ్వల్ కీలక పాత్ర పోషిస్తుండటం ఇప్పుడు సినీ వర్గాల్లో హాట్ టాపిక్గా మారింది. ఈ కాంబినేషన్ వెండితెరపై ఎలాంటి మ్యాజిక్ క్రియేట్ చేస్తుందోనన్న ఆసక్తి అభిమానుల్లో తారాస్థాయికి చేరింది.
హరి క్రియేషన్స్ పతాకంపై నూతన దర్శకుడు శంకర్ రెడ్డి ఈ చిత్రాన్ని తెరకెక్కిస్తుండగా, పెండ్లిమడుగు హరి కృష్ణ గౌడ్ తొలిసారి నిర్మాతగా వ్యవహరిస్తున్నారు. డెబ్యూ మేకర్స్గా దిగుతున్నప్పటికీ, ఏకకాలంలో రెండు ప్రధాన దక్షిణాది భాషల్లో (తెలుగు, కన్నడ) ఈ చిత్రాన్ని నిర్మించడం వీరి ధైర్యానికి నిదర్శనం. నేటి ట్రెండ్కు తగ్గట్టుగా సాగే ప్యూర్ లవ్ స్టోరీతో పాటు, ఫ్యామిలీ ఆడియన్స్ను కడుపుబ్బా నవ్వించే క్లీన్ కామెడీ ఎంటర్టైనర్గా దీనిని తీర్చిదిద్దుతున్నారు.
ఈ ప్రాజెక్ట్కి ప్రధాన బలం ఇందులో నటిస్తున్న సీనియర్, పాపులర్ తారాగణం. సుమన్, ఆమని, దేవి ప్రసాద్ వంటి వెటరన్ నటులతో పాటు చైత్ర రాయ్, ప్రసాద్ బెహ్రా, రవి ప్రకాష్, రవి శివ తేజ తదితరులు ముఖ్య పాత్రల్లో కనిపించనున్నారు.
టెక్నికల్ టీమ్ విషయానికొస్తే, శేఖర్ చంద్ర మెలోడీలు ఈ చిత్రానికి ప్రత్యేక ఆకర్షణగా నిలవనున్నాయి. బాల సరస్వతి కెమెరా పనితనం, శ్రీ వర్కల ఎడిటింగ్, కృష్ణ మాయ ప్రొడక్షన్ డిజైన్ తో సినిమాను రిచ్గా ప్రెజెంట్ చేస్తున్నారు.
ప్రస్తుతం శరవేగంగా పోస్ట్ ప్రొడక్షన్ పనులు జరుపుకుంటున్న ‘శ్రీరస్తు’ టీమ్, త్వరలోనే విడుదల తేదీని అధికారికంగా ప్రకటించనుంది. ఈ ఏడాదే తెలుగు, కన్నడ బాక్సాఫీస్లను ఒకేసారి షేక్ చేసేందుకు చిత్ర యూనిట్ సమాయత్తమవుతోంది.
